Basuri Chali Aawo Song Lyrics

Singer-Kumar Vishwas
Lyrics- Kumar Vishwas
 
Tum agar Nahin Aayi
Geet Gaa Na Payunga
Saans Saath Chode Gi
Sur Saja Na Payunga
Taan Bhaavna ki Hai
Shabd-Shabd Darpan Hai
Bansuri Chali Aawo
Hoth Ka Nimantran Hai

Ke Tum Bina Hatheli Ki Har Lakeer Pyasi Hai
Teer Paar Kaahna Se Door Radhikasi Hai
Raat Ki Udaasi Mein Yaad Sang Khela Hai
Kuch Galat Na Kar Baithe Mann Bahut Akela
Aushdhi Chali Aayo Chot Ka Nimantran Hai
Bansuri Chali Aayo
Hoth Ka Nimantran Hai

Ke Tum Alag Hue Mujhse
Saans Ki Khataon Pe
Bhookh Ki Daleelon Se
Waqt Ki Sajaon Se
Dooreon Ko Maloom hai
Dard Kaise Sehna Hai
Aankh Laakh Chahe Par
Hoth Se Na Kehna Hai
Kanchni Kasauti Ko
Khot Ka Nimantran Hai
Bansuri Chali Aayo
Hoth Ka Nimantran Hai