Mahasangram, Mahasangram, Mahasangram

Mahasangraam, Mahasangraam; Mahasangraam, Mahasangraam.

Ram hi jaane, mahasangraam ka, kya hoga parinaam; Mahasangraam, Mahasangraam,
Mahasangraam, Mahasangraam.

Dono yoddha punah yuddha ko aa gaye,
Shakti parakram, bal kaushal takraa gaye,
Veeron ke teeron se baadal chhaa gaye,
Dig digant phir ek baar tharraa gaye;

Dono apne pran ke kaaran, junj rahe aviraam; Mahasangraam, Mahasangraam, Mahasangraam, Mahasangraam.

Shaktiprahaar jo apne tan pe seh gayaa,
Mrityu nikat jaakar bhi jeevit reh gayaa,
Sehej nahi hai us yoddha ko maarnaa,
Kintu nahi veerochit himmat haarnaa;

Jeeteji rann chhod ke jaanaa, veeron ka nahi kaam;
Mahasangraam, Mahasangraam, Mahasangraam, Mahasangraam.

Bade garv se Meghnaad ne, Lakshman par Brahmaastra chalaayaa;
Ati vinamra ho kar Lakshman ne tab Brahmaastra ko shish jhukaayaa.

Jaa Lakshman ke nikat shastra woh, bina prabhaav kiye laut aayaa;
Kya rahasya, yeh kaisi maayaa, Indrajeet kuchh samajh na paayaa.

Paashupaat sandhaan kari, kiyo Lakhan par ghaat;
Paashupaat me basat hain, Pashupati Prabhu saakshaat.

Paashupaat ojhal hua, asaphal hua prayaas;
Shiv bhi aaj vimukh hue, jin par tha vishvaas.

Ho Naaraayan astra se, dushton ka sanhaar;
Sheshnaag par shastra yeh, kaise kare prahaar.

Saadhaaran maanav nahi, yehe Lakshman balwaan;
Jaan Lakhan ki shakti ko, khal hua antardhyaan.